بسمة الحياة
بسمة الحياة
بسمة الحياة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى ثقافي إجتماعي ترفيهي يهتم بكل أمور الحياة
 
الرئيسيةالبوابةأحدث الصورالتسجيلدخول

 

 حماتها تفقع !!!!!

اذهب الى الأسفل 
كاتب الموضوعرسالة
رومانسية الحب
نائب المدير
نائب المدير
رومانسية الحب


عدد المساهمات : 3553
تاريخ التسجيل : 15/09/2010

حماتها تفقع !!!!! Empty
مُساهمةموضوع: حماتها تفقع !!!!!   حماتها تفقع !!!!! Icon_minitimeالسبت يناير 15, 2011 2:29 pm

السلام عليكم يا فتوكات
ازيكوا

نخش فى الموضوع

بعد عزومه رمضان
دخلت منى تغسل المواعين عند حماتها
ولما خلصتها دخلت عليها حماتها
منى :شفتى يا طنط خليتلك المطبخ يلمع
حماتها:قصدك انى مش نضيفه
منى:والله ابدا يا طنط ده انا حتى ماتعبتش فى التنضيف اوى
حماتها:عشان زمتك مخرومه
منى:ليه يا طنط طب طلعيلى كده حته مش نضيفه
حماتها جابت كرسى ووقفت عليه وشاورتلها على الحيطه فوق التلاجه
حماتها:شايفه التراب
منى(نعم انتى عايزانى كمان انضف هنا): اصلى قصيره مش بطول
حماتها:خلاص اجوز ابنى لوحده طويله
منى(ابنك اصلا اوزعه):عايزانى اساعدك فى حاجه تانى ياطنط
حماتها :لا مش عايزة اوسخ الشقه
منى :طيب يا طنط لما تحبى توسخى الشقه تبقى تندهيلى
حماتها : انتى بتتمالسى عليا
اهئ اهئ اهئ
الحقنى يا احمد مراتك بتتريق عليا
ليه كده يا ربى ماليش بخت فى جوازات عيالى
خدنى يا رب
منى(ترتاحى وتريحى): اهدى يا طنط اهدى مش كده
احمد : فيه ايه يا ماما
حماتها : مراتك بتذلنى عشان غسلت كوبايتين
منى(كوبايتين يا مفتريه ده ماكنش فيه ولا طبق فى المطبقيه): والله ابدا يا احمد ديه هى الى دايما تفهمنى غلط
حماتها: شفت يا احمد بتقول عليا مابفهمش
اهئ اهئ اهئ
احمد : روحى صالحيها يالا
منى : خلاص يا طنط انتى ست كبيرة مش حلو العياط علشانك
حماتها : شفت يا احمد بتقول عليا كبرت وخرفت
اهئ اهئ اهئ اهئ
منى (انا جيت جمبك يا وليه انتى):كبرتى ايه يا طنط ما انتى مزة اهه
حماتها: شوف الفاظها يا احمد انتى لا يمكن تكونى ام احفادى
منى(يختى اتنيلى ابنك اصلا مابيخلفش):انتى عارفه ان احنا مش هينفع نخلف
حماتها: شفت يا احمد بتعايرك يا حبيب امك اهئ اهئ اهئ اهئ
الناقصه قليله الربايه
اشحال كنت مستتها ومهنيها
فى الاخر بتعايرك
منى(ياشيخه اتنيلى ابنك مفلس اصلا)
احمد :ايه الى انتى قلتيه ده
منى (صدقت امك ): والله ما قلتش حاجه ماانا صابرة معاك على المرة اهه
حماتها : لسه بتعايرك يا احمد
يا عينى على حظك يا بنى
اهئ اهئ اهئ
احمد اتنرفز : طب روحى يا منى
وانتى .........
منى : من غير ولا كلمه
يا خويا اتنيل
امك تفقع
وانت اوزعه ومفلس ومبتخلفش
انا ايه الى باقينى على العيله الزباله ديه
احمد : كده يا منى طب روحى وانتى طالق بالتلاته
منى :روح انت وانا خالعه

لو كنتوا مكان منى كنتوا عملتوا ايه...........؟

الرجوع الى أعلى الصفحة اذهب الى الأسفل
 
حماتها تفقع !!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بسمة الحياة :: عالم بسمة الحياة للترفيه :: فرفش معانا-
انتقل الى: