حلة جوة نفسك واختبار نفسى فى 3 دقايق ((جامد جدا)) romar

ممكن تركز وتركزى معايا شوية

انا مش حاخد من وقتك كتير

لو فاتح الميل بتاعك اعمل انفيزابل

ولو بتلعب اى جيم او بتعمل اى حاجة على النت سبها بس لمدة 3 دقايق

احنا حنلعب مع بعض لعبة مختلفة

لعبة حتعرفك حاجات عن نفسك انت اصلا متعرفهاش


حفترض دلوقتى انك مركز معايا
عشان كدة حقولك دلوقتى اللعبة عبارة عن ايه

بكل بساطة انا حسالك شوية اسئلة
جاوب عليها فى سرك

وخليك فاكر انتة جاوبت وقولت ايه
وفى الاخر حتفهم كل حاجة

يلا بينا

دلوقتى يا سيدى او يا ستى

انتة او انتى فى غابة

اوصف الغابة دى وقول انت حاسس بايه
يعنى قلقان
مطمن
خايف
فرحان
زعلان
وجاوب فى سرك
او بصوت انتة بس اللى تسمعه
وخد وقتك وفكر

تانى سؤال

وانت ماشى فى الغابة دى لقيت فنجان
اوصف شكله
وانتة ماشى حتاخده معاك ولالاء ؟؟
جاوب فى سرك برضو بس خليك فاكر اجابتك

خلاص جاوبت ؟؟

تمام

بعد كدة وانتة مكمل رحلتك فجاة وبدون مقدمات لقيتاسد قدامك
حتتعامل معاه ازاى حتقف تواجه ولا حتهرب ولا حتعمل ايه ؟
(برضو جاوب فى سرك وخليك فاكر اجابتك)


بعد ما اتعاملت مع الاسد بالطريقة الى انتة قررتها
كملت رحلتك ولقيت بحيرة
اوصف البحيرة دى
وفكر كدة

حتنزلها
حتقعد عليها
حتتجاهلها تماما
ولا حتعمل ايه ؟


ها فاكر اجاباتك كويس
افتكرها كويس لان احنا دلوقتى حنروح للمرحلة الاخيرة


انتة دلوقتى فى صحرا
وزى ما زصفت الغابة واحساسك وانتة فيها
اوصف الصحرا واحساسك وانتة فيها


بعد كدة وانت ماشى فى الصحرا لقيتصندوق
اوصف شكل الصندوق
اوصف شكله الصندوق دة فى سرك برضو ؟؟
طب ولما تفتحه تحب تلاقى فيه ايه ؟؟


كملت رحلتك فى الصحرا
وانتة ماشى لقيت سلم
تخيل كدة شكل السلم دة عامل ازاى
طويل
قصير
ولو وقفت عليه حيشيلك ؟؟

وانتة ماشى حتاخده معاك ولا حتسيبه ؟؟



خلى بالك
مهم جدا انك تكون فاكر اجاباتك كويس

وانتة مكمل مشى فى الصحرا لقيت حصان
اوصف الحصان دة
اوصفه كويس وبالتفاصيل
وبعدين فكر كدة
الحصان دة حيامنلك ؟؟
وانتة حتتعامل معاه ازاى
وحتاخده معاك ولالاء ؟؟

اخر حاجة بقى
وانتة ماشى فى الصحرا لقيت سور
السور دة طويل وعريض
وانتة مش شايف اخره لا طول ولا عرض
حتتعامل مع السور دة ازاى
حتقعد تحته وتستنى الفرج
ولما حتمشى جمبه لغاية ما تجيب اخره ؟؟
ولا حتحاول تفتح فيه فتحة ؟؟


خلاص كدة خلصنا


يلا بقى نعرف دلالة كل سؤال ايه


الغابة والصحرا همة حياتك اللى انتة عايشها
فاكر انتة وصفتها ازاى ؟؟؟؟؟؟؟؟؟؟؟؟؟؟؟ وكان احساسك فيهم ايه

ندخل بقى على باقى الحاجات اللى كانت فى الغابة
الفنجان همة الناس اللى انتة بتقابلهم فى حياتك
رايك فيهم ايه

الاسد هية المشاكل وطريقة تعاملك معاها
والبحيرة هية الحياة العاطفية
فاكر انتة قولت حتنزلها ولالاء؟؟؟؟!!!!!!

فاضل الصحرا

الصندوق
هوة انتة من جواك
فاكر انتة لقيت جواه ايه ؟؟

والسلم همة الاصدقاء
عشان كدة سالتك
هوة حيشيلك ولالاء ؟؟


اما الحصان بقى
فهوة شريك الحياة
فاكر انتة وصفت حتتعامل معاه ازاى ؟؟

اما السور فهوة القدر
والمستقبل
طريقة تعاملك مع السور دة
هوة نفسك طريقة تعاملك مع المستقبل ومحاولتك انك تعرف بكرة عامل ازاى



بس كدة

احنا خلصنا

بجد موضوع هايل تسلم ايدك يا رومار