بوسة رأس السنة هههههههههههههههههههههه

مسعد: سوري يا حبيبتي اتاخرت عليكي كنت باقفل الشيفت

شيماء: يعني ملحقتش تجيبلي هديه السنة الجديده ؟

مسعد: انا مستني هديتك انتي الاول

شيماء: ممعييش فلوس مأشفره

مسعد: "يهرش في شعره ثم يشم رائحه صوابعه" مش كل الهدايا بتشتري بالفلوس يا عسل
ومش كل القلوب تتدوب في الكئوس وهنيالك يا فاعل الخير والثواب

شيماء: منا بقول كده بردو ايه بقي؟

مسعد: شفتي الفيلم اللي كان علي(mpc 2)
اللي كان اسمه قبله الكريسماس

شيماء: لا اصل ابويا لغي الوصله عشان اخويا الصغير بيتفرج علي ميلودي تريكس شيماء دى خبرة

مسعد: طيب شفتي فيلم بابا نويل والفراش الدافئ

شيماء: ايوه شفته لما جيه زمان علي نادي السينما لماكانو مش لاقيين شجره يعلقو عليها الزينه وكان تلج نازل من السما وكده

مسعد: طيب شفتي ايه اللي حصل لما النور انطفيهههههههه

شيماء: ماهو النور انطفي هاشوف ايه يعني؟

مسعد : لما البطل استخبي هوا والبطله في القبو

شيماء: مخدتش بالي والله يا مسعد انا جعانه اوي مش هنجيب حاجه تتاكل

مسعد: تتاكل

cut
9:43

في مطعم بابا عبده للمكرونه بالكبده او السجق علي حسب رغبه الزبون

مسعد: شبعتي يا روحي

شيماء: اه الحمدلله يعني انت مجبتش ليه مكرونه من ام 3 جنيه ؟

مسعد: اصلك يا حبيبتي بتاكلي كتير اوي امال بعد الجواز هنعمل ايه ؟

شيماء: متسيبني يا عم استمتع بحياتي

مسعد: طيب منتي ممكن تستمتعي بحجات تانيه كتير "يغمز بعينيه" ولا ايه هه واخده بالك؟

شيماء: طيب قولي حاجه واحده قبل ما تيجي الساعه 12 عشان نلحق نتصرف ؟

مسعد: يعني النهارده راس السنة وليله مشتركه والناس باذن الله فرحانه

شيماء:خليك صريح معايا ...خش في الموضوع عاييز ايه

مسعد:كل خير يا شيماء انا من يوم ما عرفتك وانتي مش سيبالي غير ايدك ابوسها

شيماء:ايه ده ايه ده لألألألأ انت هتتجنن ولا ايه يا مسعد "بمياصه" انا مش بتاعت كده خالص

مسعد: امال انتي ازاي طيب

شيماء:اصطبر لما امسح بقي مطرح الصلصه

مسعد:يابت ده كده عزووة

شيماء: طيب مش قدام الناس...لما نطلع بره

مسعد: حبكيها ...حبكيها اوي

cut
10:22


شارع شامبليون المظلم الهادئ الساكن هه واخدين بالكو اسيبكو تكملو


مسعد:ما تقربي يا بت شويه انتي ماشيه مع اخصائي اجتماعي

شيماء: منا مأنجشاك اهوه

مسعد: حبيبتي يا شوشو عسل يا بت دي ريحه التوم ديه جاية منين يا بت ؟

شيماء: ده الأشارب يا حبيبي

مسعد:افتكرته من بوقك يعني

شيماء:ازاي بقي؟ ده انا ضاربه اربعة لبان سمارة عشان الريحة.. ده الاشارب الاشارب
مسعد: ما تجيبي بوسه اجنبي بقي

شيماء: لالا استني في راجل جاي من بعيد

مسعد: وماله "باستهبال"محنا كمان جايين من بعيد

شيماء: ايوه بسسسسسس ااا

مسعد: مش وقت بسبسه الساعه داخله علي 11

شيماء:لما تيجي 12 عشان نبقي مظبوطين

مسعد: ومن هنا لحد 12 هنعمل ايه هنلعب الدودة علي الموبايل ؟

شيماء: اصل الشارع ده اصلا كله صنايعية وخايفة يكون ابويا بيصلح التاكسي هنا اصله كان بيقول ان الردياتير بينقط

مسعد: "مقاطعا" يا اختي ملعون ابو الريدياتير لابو التاكسي لابوكي في ساعه واحده احنا ف ايه والا ف ايه ؟

شيماء: ياعم الشارع ده شكله ...."اتنبهت فجئه" ايه ده انت بتشتم التاكسي يا مسعد وديني لاروح

مسعد: روحي يا اختي انتي هتذليني

شيماء: شكلك بتلكك تلاقيك مبتعرفش اصلا ومصدقت اني هروح

مسعد: ما بعرفش ؟

شيماء:تبوس يعني

مسعد: طيب تعالي تحت الكوبري وانا اوريكي

شيماء: بجد هتوريني يا مسعد " في سعادة بالغة "

12:00

تحت كوبري

6 اكتوبر عند طالعة مدينه نصر والظلام الدامس يعم المكان
ظلام ....


صوت شيماء : تسلم يا سي مسعد


صوت غريب: انا مش مسعد

انا سحس الجعر