ساعات بسرح بخيالي بعيد وبعدين افكر انا اد اية محظوظة وربنا بيحبني انا مش بس محظوظة بل انا اكثر الناس حظا في العالم في الواقع انا اكثر حظا من ملايين ملايين البشر مش عشان عايشة كويسة ومبسوطة ولا عشان مثلا عندي عربية ولا عشان عندي اب وأم بيحبوني ولا عشان ولا عشان ولا عشان ....
عشان انا اتولدت مسلمة اتخيل نفسك اتولدت علي ملة تانية غير الاسلام ... انا عن نفسي مقدرش اتخيل حاجة زي كدة بجد حاجة خيالي ميقدرش يوصلها يااااه انا اتولد مسيحية ولا يهودية ولا حتي بوذية... واموت علي كدة ويكون مصيري مخلد في النار الي مالا نهاية وماشوفش الجنة ونعيمها ....
اسرحوا بخيالكو شوية كدة وكل واحد يتخيل النعمة الي هو فيها وكل واحد يتخيل انه اتولد غير مسلم ويشوف الفرق ...
هل ربنا يستحق الشكر علي النعمة دي ولا لا ؟
لو يستحق سيب اللي في ايدك حالا وقوم صلي ركعتين شكر علي نعمة الإسلام ... وكفي به نعمة ...
ولو مش قمت تصلي وطنشت يبقا انت مش حاسس بالنعمة اللي انت فيها ومش مقدرها ومش مقدر كمان اللي وهبهالك ....
الثلاثاء يناير 04, 2011 3:37 am