مشروبات الشتاء

تعالو نشوف بعض المشروبات الى تنفع فى الشتاء
ودى اول حاجه
الهوت شوكليت :

-

المقادير
• 6 ملاعق كبيرة من كاكاو بودرة.
• 4 ملاعق سكر "اختياري"
• 2 كوب ونصف لبن حليب.
• 1/4 ملعقة صغيرة من الفانيليا.
• 1/4 ملعقة شوكولاته بودرة.
• 1/4 ملعقة صغيرة من القرفة "اختياري".

الطريقة:-

اخطلي الكاكاو والسكر مع بعض وضيفيهم إلى اللبن وقلبيهم كويس أوي، وبعد كده حطيهم على النار مع التقليب المستمر لغاية ما اللبن يغلي بعد ما اللبن يغلي صبيه في الفنجان ورشي عليه من على الوش الفانيليا والقرفة وشوية شوكولاته بودرة.
قهوه فرنسيه بالكاكاو
المقادير:- مشروبات الشتاء Kamar_08

• 3ملاعق صغيرة من القهوة.
• كوب لبن حليب.
• ملعقة صغيرة من الكاكاو البودرة.
• 3ملاعق صغيرة من السكر.
• كوب ماء مغلي.
• ملعقة صغيرة فانيليا.
• ملعقة صغيرة قرفة.

الطريقة:
حطي السكر والقهوة والكاكاو والفانيليا والقرفة واللبن مع الماء المغلي مع بعض على النار..مع التقليب المستمر لغاية ما القهوة تغلي وبعد كده صبيها في الفنجان وزينيها برشة من الكاكاو.
سحلب باللبن
مشروبات الشتاء Kamar_04

"

المقادير:-

• كيلو لبن حليب.
• 1/2 كوب سمسم محمص.
• كوب سكر بودرة.
• 4 ملاعق كبيرة نشا.
• ملعقة صغيرة قرفة "اختياري"
• 2ملعقة فانيليا.
• كوب أرز مطحون ناعم.
• 1/4 كوب زبيب.
• 1/2 كوب تشكيلة من المكسرات المحمصة اللي موجودة عندك في البيت "سوداني- عين جمل- جوز-فستق-لوز".
• ملعقة كبيرة قرفة "للتزيين"
• ملعقة كبيرة جوز الهند "للتزيين"
• سكر للتحلية "اختياري"
على فكرة ممكن تشتري مسحوق السحلب جاهز من السوبر ماركت

الطريقة:
هتجيبي طبق كبير وتخلطي فيه كل المكونات السابقة ما عدا "اللبن" هتخليطهم كلهم مع بعض وتقلبيهم كويس، وبعد كده تجيبي كسرولة وتحطي فيها اللبن الحليب وتضيفي له مقدارا من السحلب اللي أنت عملتيه أو اللي أنت اشترتيه وتحطيهم مع بعض على النار مع التقليب المستمر من وقت لآخر علشان مفيش حاجة تكلكع منك هتخليه على النار لغاية ما اللبن يغلي وبعد كده تصبيه في الفنجان أو الكوباية وتضيفي إليه السكر اللي أنت محتاجة له... ممكن تزيني الفنجان بشوية قرفة مطحونة أو جوز الهند.

القرفة باللبن
مشروبات الشتاء Kamar_01

المقادير:-

• 1/4 كوب مسحوق القرفة.
• 2كوب لبن حليب.
• ملعقتان صغيرتان فانيليا.
• سكر أو عسل أبيض للتحلية "اختياري".

الطريقة:
هتجيبي القرفة وتذوبيها في الميه وتحطيها على النار لغاية ما تغلي بعد ما تغلي تبدئي تهدي النار شوية وبعد كده تضيفي إليها اللبن وتسيبيهم على النار...بعد ما القرفة باللبن تغلي صبيها في الفنجان وضيفي إلى كل فنجان ملعقة فانيليا وسكر أو عسل نحل أبيض..

المغات

المقادير:-
• 1/4 كيلو حلبة مطحونة.
• 1/4 كوب سمسم.
• 1/4 كوب نشاء.
• 1/2 كيلو لبن حليب.
• 1/2 كوب تشكيلة من المكسرات المحمصة اللي موجودة عندك في البيت "سوداني-عين جمل-جوز-فستق-لوز".
• ملعقة زبدة للتحمير.
• سكر للتحلية
على فكرة ممكن تشتري كيس المغات جاهز من السوبر ماركت.

الطريقة:
دوبي الزبدة في إناء مناسب وبعد كده ضيفي إليها الحلبة والسمسم والنشا وقلبيهم مع بعض لغاية ما الحلبة والسمسم والنشاء يبقى لونهم ذهبي بعد كده ضيفي إليهم اللبن بالتدريج مع التقليب المستمر علشان مفيش حاجة تكلكع منك بعد كده سيبيهم يغلوا مع استمرار التقليب من وقت للتاني بعد كده صبيها في الفنجان وحليها وزينيها بالمكسرات اللي عندك...
الزنجيل بالقرفه
مشروبات الشتاء Kamar_02

المقادير:-

• 3 ملاعق زنجبيل مطحون.
• 2 ملعقة قرفة مطحونة.
• سكر للتحلية.
• شرائح ليمون "للتزيين"

الطريقة:
دوبي القرفة في الميه وبعد كده حطيها على النار لغاية ما تغلي وبعد كده ضيفي إليها الزنجبيل وقلبيه كويس سيبيه لغاية ما يغلي وبعد كده صبيه في الفنجان وضيفي إليه السكر وزيني الفنجان بشرائح الليمون.

حمص الشام بالشطة والليمون
مشروبات الشتاء Kamar_06

[size=21]المقادير:-

• 1/2 كيلو حمص الشام.
• بصلة صغيرة مقطعة إلى نصفين.
• 1/2 كوب عصير طماطم.
• ملعقة صغيرة ثوم مفروم.
• ملح– شطة-كمون.
• عصير ليمون.

الطريقة:
هاتي الحمص وانقعيه في الميه لمدة يوم وبعد كده اسلقيه في الميه وأثناء ما بيتسلق ضيفي إليه البصلة وعصير الطماطم وملعقة الثوم وسيبيهم علشان يغلوا مع بعض... بعد ما تلاقي إن الحمص استوى ضيفي إليه "الملح والكمون والليمون والشطة وبعد كده اطفي البوتاجاز وصبيه في الكوبايات.[/size]

بالهنا والشفا

جميل يا قمر الموضوع تسلم ايدك

تسلمى ياقمراية
مشروبات الشتاء 45504-1-190894117