تختار ايييييييييييييه...........؟

اليوم جبتلكم لعبة ان شاء الله تعجبكم ويكون تفاعل

اللعبه هي ان كل وحدة تقول حاجتين والي بعدها هاتختار حاجة من الاتنين

انا مثلا هاقول ......تختاري ايه؟

شكولا ولا ايسكريم........اللي بعدي تختار وتقول متلا ايسكريم وهاتقول كمان ليه؟

يالله نبدا على بركة الله....

تختاري ايه.......؟

الخروج ولا القعاد في البيت؟

القعاد في البيت طبعا لاني بحب الهدوء اوي

تختار ايه مكرونه ولا سمك

سمك
تختار ايه الكلام والا الصمت

الصمت ودا لان الكلام الا حوالي مش مستاهل الكلام فيه

تختاري الجرج ولا الهروب

الجرح هو الـذي يتعـذر إيجـاد من يـداويه
أو حتى من يسهـر مع آلامـه
فتجـد نفسـك وحيـدا00 وحيينها تدرك
أن جـرحك هو نحسك الـوحيد
الهروب من المشكلة ضعف لانه أذا كان قوي الشخصيه يواجه المشاكل بكل قوه أذا كان

مخطأ يعترف بخطأ فالاعتراف بالحق فضيلة .

ايهما تختار الخيانة والا الجرح

مش فاهم قصدك انا الا اخون مثلا او اجرح
ولا انا الا اتخان واتجرح
لو هي الاولي
اختار اخون

طب قول اختياريين للى بعدك يلا

تختاري انتي وزوجك الجلوس في البيت
ام الخروج معا

الجلوس فالبيت
تختار الشغل والا الزواج

اختار الشغل
علشان هو الا هيجيب الزواج

تحتاري اية
الفراخ ولا الحمة

الترمس
تختار ايه الكحك والا البتى فور

الكحك
تختار ايه الكمبيوتر ولا اللاب توب هههههههههههه

اللاب توب
تختار ايه العربية والا الموبيل

مفيش مقارنة اصلا طبعا الموبايل ههههههههههه
تختار ايه ورده بيضا ولا حمرا

وردة حمرا
تختار ايه الشاى والا النسكافيه؟

النسكافيه
تختاري ايه تروحي المصيف مع العائله ولا مع اصحابك
وطبعا المقصود بالعائله الاب والام

العائلة
تختار ايه الخيانة والا الفراق؟

الفراق
تختاري ايه لقب عانس ولا ارمل

بعد الشر يارب

كنت اختار عانس لان الفراق بيكون صعب اوي
تختار تقولنا نكتة ولا فزورة وقولها

اختار اقول نكته
مرة واحد كان معاه ربع جنيه

ففكر يعمل بيه إيه

يشرب عصير قصب و لا يركب الأتوبيس فقال

أنا لو ركبت الأتوبيس هيبقي في حل من إثنين

يإما هقف أو هقعد

لو وقفت مش هيبقي في أي مشكلة

لكن لو قعدت هيبقي في حل من إثنين

يإما هيقعد جنبي راجل أو تقعد جمبي ست

أنا لوقعدت بجانب راجل مفيش مشكلة

لكن لو قعدت بجانب ست هيبقي فيحل من إثنين

لإما هنعجب ببعض يإما مش هنعجب ببعض

لو مأعجبناش ببعض مفيش مشكلة

لكن لو أعجبنا ببعض هيبقي في حل من إثنين

يإما هنتجوز يأما مش هنتجوز

لو مإتجوزناش مفيش مشكلة

لكن لو إتجوزنا هيبقي في حل من إثنين

يإما هنخلف يأما مش هنخلف

لو مخلفناش مفيش مشكلة

لكن لو خلفنا هيبقي في حل من إثنين

يإما هنخلف ولد أو
بنت

لو خلفنا بنت مفيش مشكلة

لكن لو خلفنا ولد هيبقي في حل من إثنين

يإما هيستقيم أو هينحرف

لو إستقام مفيش مشكلة

لكن لو إنحرف هيبقي في حل من إثنين

يإما يدمن أو مش هيدمن

لو مأدمنش مفيش مشكلة

لكن لو أدمن هيبقي في حل من إثنين

يإما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي في حل من إثنين

يإما هيسرقني أو هيقتلني

لو سرقني مفيش مشكلة لكن لو قتلني ..


.. يقتلني !!!!!!!!!

لا ياعم أنا أشرب عصير قصب أحسن

تختاري ايه تشاهديه مع زوجك
المسلسلات ولا المسرحيات
ولا تحبي تتفرجي عليه هو

هههههههههههههه نكته حلوة والله
لا طبعا احب اتفرج عليه هو

تختار ايه تروح اسكندريه ولا المنصوره

المنصورة
تختار المال والا الحب؟