النهارده هنعمل فته بالخل والتوم عشان العيد
المقادير .لحمه من بتاعه الخروف الله يكون فى عونه _2 كوب رز منقوعه ومتصفيه _صلصه طمام ملح _فلفل _4كوب خل _2 راس توم_رغيف عيش بلادى وممكن رقائق انا عن نفسى بعملها بالعيش
الطريقه
اول حاجه نحمر العيش المتطقع فى ملعقه سمنه بلدى .وبعدين نسلق اللحمه باضافه ماء مغلى على النار ومعها بصله وبهار وفلفل وكمون واحده ماجى ونسبيها تاخد غلوه وبعدين نوطى عليها وبعدين نعمل الصلصه وهى عباره نضع القدر ونضع شويه زيت ومعها فصين ثوم مقطعين مكعبات واول ما التوم يتحمر نضع عصير الطماطم ونضع نصف كوب خل وملح وفلفل وكمون وانا بحب احط اقرن فلفل حامى ممكن الاستغناء عنه ونتركها تتسبك وبعدين نعمل الرز الابيض اول حاجه نحط شويه زيت وبعدين نحط الرز الابيض ونقلب شويه وتضع عليها 3 اكوب شوربه مصفيه او ممكن ماء بس الافضل تكون مياه سخنه ونترك الرز يتشرب المياه ويوطى عليه لحين تمام النضج وبعدين نعمل الفته بتاعتنا اول حاجه نحط العيش المحمص وبعدين الرز ونسقيه بالشوريه ونشع معلقتين صلصه على الرز والحمه وبعدين فى طاسه التحمير نحط الثوم ونحمر فى النار وحين يتحمر الثوم نحط كوب الخل ونسيبه تاخد غلوه ونحط على وش الفته ونحط اخر حاجه اللحمه المسلوقه وممكن تحميريها بس انا بحبها مسلوقه وبالهناء والشفاء وعيد سعيد
الخميس نوفمبر 11, 2010 11:11 am
