جد يا جماعة الحكاية دى حصلتلى وانا كتبتها فى بيوت بسيطة اتمنى اشوف ردودكم ورأيكم
نزلت الستارة على مسرحية جميلة
حكاية بين اتنين ولا الف ليلة وليلة
اتنين كانوا مش لبعض
اتقابلوا وحبوا بعض
وجوة المسرحية
قدرهم كان البعد
مرت المشاهد وسقف الجمهور
احساسهم كان حقيقى
مكانوش حافظين الدور
كلام مش على الورق
ولا حتى بين السطور
وقلوب لية بتتحرق
فى نهاية كل دور
البطل : بحلم اشوفك واعيش جمبك حياتى
وان كان قدرنا نحزن اوهب فرحى فداكى
بتمناكى كل ليلة وانا سامع ضحكة جميلة
وبغمض عليها عينى يالى ملكيش بديلة
البطلة : فراقنا رحلة مكتوبة فى يوم علينا
حتى لو كنا احنا الى اخترناة بأدينا
متهونش فى يوم عليا ولا يوم حبك يهون
وحياتى بجد بعدك طريقها هو الجنون
وفى نهاية المسرحية تسقيف من كل الناس
اكيد كانوا حاسين بيهم وحركوا الاحساس
اتفرقوا فى طريقين ملهمش دعوة ببعض
طريقين حزانا بيبكوا فى بعدهم عن بعض
الخميس نوفمبر 18, 2010 3:09 pm
