عايزة افضفض معاكوا !!!!!!!

انت ايه؟؟؟

انت ليه ؟؟

محدش يستغرب دول بس سؤالين جم فى بالى التقيل لسه جىىىىى... ...

انت ايه فى الدنيا دى؟؟

عملت ايه عشان تقول انا انسان ؟؟

مجرحتش قبل كده؟؟..موجعتش ..ماكسرتش قلب ولا حطمت احلام؟؟

مطمعتش فى حاجه مش من حقك ..؟؟

ياااااااااه مندمتش يا انسان ؟؟؟؟؟.......

انت ليه صغير رغم صغر المساحات؟؟

ليه انانى وانت فى ايدك تاخد من غير طمع؟؟

ليه عينك على اللى مش ملكك ؟؟..مع انك لو بصيت هتلاقى اللى فى ايدك يملى عينك بس الطمع

عدى عليك الوقت وبدل ما تتعلم من اخطاءك واخطاء اللى سبقوك

ساءت حالك ومفتكرتش الا اللى اهانوك

اتعلمت تهين وتجرح وتغدر

ونسيت ان الانسان ابعد ما يكون عن ده باللى ميزة بيه رب الكون

حتى القلوب والعشرة والاهل والخلان راحت ايامهم

مبقتش تقول غير يلا نفسى

..اولادك..


تعبت كتير فى تربيتهم بس شافوك اب انانى..

..شافوك بتجرح فى الناس عشانهم..

كبروا وفهموا واتعلموا من اب زيك ان الدنيا عاوزة قلوب حجر

واستغربت ان اول ما قلوبهم قست واتحجرت كانت عليك

اخدت ايه من الدنيا كده

غير ابن هان عليه حتى ابوة

سلك طريق القسوة ومفيش رحمه

ونسى انه انسان من قلب قبل العقل

عمرك فكرت كده يا انسان؟؟

معلش انا طولت كتير وقلت كلام يمكن مش مفهوم

بس اللى دار فى نفسى ليه نربى اولادنا على ان الدنيا قاسيه والناس وحشين

ونأسس جواهم كرة لحجات احنا نفسنا نرجعها

ومن غير ما نحس بنكون سبب فى انتشارهاونرجع نقول فين ايام زمان

زعلان ان الدنيا مبقاش فيها خير وانت قتلت جوا ابنك حب الخير للغير وبررتله ان اللى قدامك بردو

عمرة ما هيتمنالك الخير

وكده مشى حال الدنيا من جيل للتانى

كل جيل يقتل جوا اللى بعديه احساس..مثل...قدوة ...تقليد..

لحد ما هتيجى علينا اوقات نتمنى فيها الرضا ومش هنلاقيه

لان طول ما احنا بنقتل فى حجات حلوة عمر احساس الرضا ما هيوصل لقلوبنا


اسفه انى طولت عليكو

بس دى حكايه من الحكايات اللى وصلتنا للى احنا بنحسه

ومش عارفه يا ترى قدرت اوصلكم احساسى ولا مقدرتش

بس نفسى الاقى اجابات ليه احنا بنعمل كده

وياترى عندنا اسباب كفايه عشان نوصل لكده

ولا كلها انواع من انانيه التفكير وحب الذات
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]


تسلم ايديك