نكته النهاردة

مرة واحد قابل واحد اخنف فسالة قالة “انت بتشتغل اية؟” فرد علية الاخنف وقالة “فننان” قالة “يعنى بتغنى” فرد الاخنف “فننان” فرد الاخنف “فننان” قالة الراجل “يعنى اية بتمثل؟” يعنى فرد الاخنف قالة “لا فننان يعنى بحت العيش فى الفن

مره طالبه مشاغبه المدرس اشتكاها للمدير المدير بعتلها قال لها “عملتى ايه؟” قالت له “ولا حاجه رميت ورده من الشباك” قال “بس كده؟” قالتله “اه” بعد شويه لقى طالبه مدغدغه ومكسره سالها “ايه الى عمل فيكى كده؟” قالت له “انا ورده الى اترميت من الشباك

طفل من الهنود الحمر سأل أبوه:
بابا أحنا ليه كل أسامينا طويلة ومعقدة ومركبة من كلمات كتيرة كده ؟
الاب:
يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها ‘الشمس
المشرقة المطلة بين السحب الكثيفة ‘
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه ‘الامطار الغزيرة
وسط البرق اللامع ‘
دي عادة قبائلنا طوال الازل
أنت ايه اللي مزعلك يا ‘ كلبين يهوهو جنب الخيمة

واحد صعيدي دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله.

مرة واحد غبى كان عايز ينتحر من فوق السطوح الناس من تحت تقولة انزل انزل فاطلعلة واحد فوق قالة انت لية عايز تنتحر قالة علشان انا غبى الناس كلها بتقول كدة راح قالة طيب انا هاقولك فزورة لو حليتها متبقاش غبى وتنزل ماشى قالة ماشى , قالة ايه الحاجة اللى لونها زى اسمها ؟ قالة مش عارف راح قالة البيضة قالة سؤال تانى ؟ اية الحاجتين اللى اسمهم زى لونهم , قالة مش عارف , قالة بيضتين , قالة سؤال تانى , اية الحاجة اللى فيها ريش وبتجيبلنا البيض ؟ قالها دى عرفتها تلات بيضات صح , راح الراجل رمى نفسة والغبى نزل وسباه………..

مره واحد مسطول وقف تاكسي وسواق التاكسي كمان كان مسطول فبيقوله تاخد كاااام وتودينييي فييييين–قالواا هاااات اللي معاااك وأنزل هنااااا

مرة واحد بخيل اوى بعت لمراتة جواب وقال لها انا هبعتلك الشهر دا 100بوسة بدل الصروف ردت علية بعد اسبوع وقالت له على فكريا حبيبى انا اديت للجزار 3بوسات والفرارجى 5 بوسات والبواب 2بوسة واتبقى معايا 30 بوسة لحد اخر الشهر وياريت تبعتلى كدا كل شهر علشان الموضوع دا حل مشاكل كتير اوى حبيبي؟

مرة حمار بيقول لخطيبته ما تجيبي بوسة يا حمارة قالتله لم نفسك يا حيوان

مدرس بيسال طلاب عنده قال للاول انت لما بتروح بتعمل ايه قاله انا بروح اغير واروح لاحمد بتاع الحشيش سال الثانى قاله وانت بتعمل ايه قاله انا بروح اغير واتغدى واروح لاحمد بتاع الحشيش سال الثالث قاله وانت بتعمل ايه قاله انا بروح اغير واتغدى واذاكر وانام واجى المدرسة تانى يوم فرح بيه المدرس وقاله شاطر ياحبيبى وانت اسمك ايه قاله انا احمد بتاع الحشيش

ههههههههههههههههههههههههههههههههههههههههههههههه
فيل ونمله ماشين على البحر... فجأه الفيل رمى نفسه فى البحر ليه ؟؟؟؟؟؟؟....... أخو النمله جاى وراهم